UNIDADE
DIDÁCTICA. LOS
JUEGOS DEL HAMBRE
PROXECTO
DEREITOS HUMANOS. IES ILLA DE AROUSA
Sinopse:
Película
de ciencia ficción basada na novela homónima de Suzanne Collins.
A
acción transcorre en Panem,
unha nación que se corresponde cos restos de América do Norte,
gobernada pola tiranía do Capitolio que somete aos seus doce
distritos con man de ferro . Como castigo pola rebelión, obrígaos a
entregar a un rapaz e a unha rapaza adolescentes a competir nos
Xogos da Fame, nos que deben loitar entre eles ata a morte.
- A historia comeza o día da “colleita”. Gale e Katniss reflexionan sobre os Xogos. Gale dille que poderían fuxir dos Xogos, vivir no bosque… Que tipo de castigo poderían sufrir?
(cortarlles
a lingua –avox-)
- Como funciona o sistema das teselas? Gale ten xa 42 teselas. Por que ten tantas?
- Cando se vai celebrar o sorteo, o capitolio aproveita para facer a súa “propaganda dos xogos. En que consiste?
(despois
dunha rebelión por parte dos distritos contra un goberno que “os
alimentaba, os amaba e os pretexía”, o Capitolio quere lembrarlles
que “a liberdade ten un prezo” obrigándoos a participar nuns
Xogos de “honor, valor e sacrificio”)
- No momento en que Katniss se presenta voluntaria, a presentadora pide un aplauso. Que xesto fan os habitantes de Panem? Que significa?
- O outro tributo escollido é Peeta. Que imaxe retrospectiva ten a protagonista deste rapaz?
- O Capitolio e o distrito 12 son mundos opostos. Escolle 5 palabras que os definan e fai un xogo de antónimos.
- No desfile previo aos Xogos, móstrase o ambiente e a acitude dos habitantes do Capitolio. Saberías establecer unha relación entre este acto e o circo romano? Coñeces o significado da expresión latina “panem et circenses”?
- Que é un reality show? Podes poñer algún exemplo?
- A noite anterior á competición, Peeta confésalle a Katniss que el non quere “ser outra peza dos seus Xogos” A que se refire?
- No escenario dos Xogos, os tributos teñen un comportamento diferente coa intención de sobrevivir. Sabes poñer un par de exemplos? Que reflexión fai Cato sobre a súa postura?
(buscar
aliados, matar directamente, fuxir…)
- A reacción de Katniss cando matan a Rue desencadea unha serie de feitos dramáticos tanto no Capitolio coma nos distritos. Cales?
(Katniss
mata por primeira vez;
o
presidente Snow avisa a Séneca e comeza a rebelión no distrito11,
ao que pertencía Rue)
- Na historia aparecen animais como o sinsajo, as rastrevíspulas ou os mutos. Sabes explicar a súa orixe?
- Por que se considera un desafío ao Capitolio o feito de que os protagonistas prefiran suicidarse coas bagas antes que matarse entre eles?
- Escolle unha escena que che guste. Descíbea e razoa a túa escolla.
- Cales son os Dereitos Humanos que aparecen vulnerados nesta historia?
Ningún comentario:
Publicar un comentario